"Екі жұлдыз" байқауы

Мектебімізде 2022 жылдың наурыз айының 7-жұлдызында «Екі жұлдыз» ән байқауының бірінші кезеңі өтті.   Жарыс талабына байланысты 1 оқушы мен  1  мұғалім жұптасып ән шырқауы керек. Сондай-ақ, мұғалім музыка пәнінің оқытушысы емес, өзге пән мұғалімі болуы тиіс.  Байқау екі кезеңнен тұрады. Бірінші кезеңде қатысушылар эстрадалық  ән айтса, екіншісінде дәстүрлі әндерді шырқайды. 

Ән байқауының жүргізушілері ДТІЖО Н.Наурызбекова мен музыка пән мұғалімі А.Бұтақбай болды.  Әділқазылар алқасы мүшелеріне Мәдениет үйінің көркемдік жетекшісі Қ.Қ.Ысқақова  және мектебіміздің денешынықтыру пән мұғалімдері М.Найманов пен Т.Тлепбергенов кірді. Олар басты үш шарт бойынша бағалады: ән айтуы, актерлік шеберлігі және сырт көріністері. Байқау қонақтары мектеп ұстаздары мен оқушылары.

Байқау қорытындысы бойынша барлық жұптар әділ бағаланды және  келесі кезеңге өтті. Қатысушылар арасында өз өнерімен таң қалдырғандар да болды. Сонымен қатар, ән айту мен көрініс көрсету барысында сынға ұшыраған жұптар да болды.  Екінші кезең сол қатысушыларға қателіктерін түзетуге үлкен мүмкіндік болмақ.  Байқау соңында, мектеп директоры М.М.Ахметжанова  әділқазылар алқасы мен өнер көрсеткен жұптарға өз алғысын білдіріп, әйелдер қауымын келе жатқан мерекелерімен құттықтады.